Yangiliklar

image

Akademiya ta’lim jarayonini xalqaro mas’uliyatli boshqaruv tamoyillariga moslashtiradi

O‘zbekiston Respublikasi Bank-moliya akademiyasi BMT tomonidan qo‘llab-quvvatlanadigan tashabbus — Mas’uliyatli boshqaruv ta’limi tamoyillariga (PRME – Principles for Responsible Management Education (https://www.unprme.org/)) imzolovchi a’zo sifatida qabul qilindi.

Mazkur tashkilot butun dunyo bo‘ylab biznes ta’limida barqarorlik obro‘sini oshirishga va biznes talabalarini ertangi o‘zgarishlarga tayyor bo‘lish qobiliyatini shakllantirishga qaratilgan faoliyat olib borishi bilan xalqaro hamjamiyatda o‘z nufuziga ega. Uning tarkibida butun dunyo bo‘ylab 800 dan ortiq biznes va menejment maktablari mavjud.

PRMEning imzolovchi a’zosi bo‘lish Bank-moliya akademiyasiga o‘quv dasturlari, malakalar to‘plami va pedagogik rivojlanish uchun resurslar hamda bilim almashish platformalaridan foydalanish imkoniyatini beradi.

Shuningdek, PRME biznes va menejment maktablarini kelajakdagi rahbarlarga iqtisodiy va barqarorlik maqsadlarini muvozanatlash uchun zarur bo‘lgan ko‘nikmalar bilan ta’minlash uchun jalb qiladi. Shu bilan birga Barqaror rivojlanish maqsadlariga (SDGs – Sustainable Development Goals) e’tiborni qaratgan holda ta’lim muassasalarini BMT Global shartnomasi ishi bilan uyg‘unlashtiradi.